| മീര വീണ്ടും ഉഴപ്പു തുടങ്ങി? | ||
Text Size:    | ||
ഏറെ നാളത്തേക്ക്‌ മാധ്യമങ്ങളില്‍ ഈ സിനിമയുടെ ഷൂട്ടിംഗ്‌ റിപ്പോര്‍ട്ടുകളും മീരയുടെ പുതിയ വിശേഷങ്ങളും ഇന്റര്‍വ്യൂകളും ഒക്കെ വന്നു കൊണ്ടിരുന്നു. പഴയ കാലത്തേക്കാള്‍ താന്‍ കുറേക്കൂടി പക്വതയാര്‍ജ്‌ജിച്ചു എന്നൊക്കെ മീര ഈ അഭിമുഖങ്ങളില്‍ വച്ചു കാച്ചുകയും ചെയ്‌തു. എന്നാലിപ്പോള്‍ നടി അവരുടെ സ്വന്തം താല്‍പര്യങ്ങള്‍ക്ക്‌ മാത്രം മുന്‍തൂക്കം നല്‍കി സിനിമ ഉഴപ്പുകയാണത്രേ. 'ലിസമ്മയുടെ വീടി'ന്റെ കുറച്ചു ഭാഗം കൂടിയേ ചിത്രീകരിക്കാനുള്ളൂവെന്നാണ്‌ റിപ്പോര്‍ട്ടുകള്‍. എന്നാല്‍ ഈ രംഗങ്ങള്‍ ഒഴിവാക്കാനുമാവില്ല. ചിത്രത്തിന്റെ ഡബ്ബിംഗ്‌ നടക്കാന്‍ പോകുന്നതേയുള്ളൂ എന്നാണ്‌ കേള്‍ക്കുന്നത്‌. പക്ഷേ മീരയുടെ നിസ്സഹകരണം എല്ലാം തകര്‍ത്തു കളഞ്ഞു. സിനിമ തീയേറ്ററിലെത്തിക്കാനുള്ള അവസാന ജോലികള്‍ പുരോഗമിക്കുന്ന ഈ ഘട്ടത്തില്‍ മീര തന്റെ പഴയ തനിസ്വഭാവം വീണ്ടും കാട്ടിത്തുടങ്ങിയിരിക്കുന്നത്‌ അണിയറക്കാര്‍ക്ക്‌ വലിയ തലവേദന ആയിരിക്കുകയാണത്രേ. ഓണത്തിന്‌ ഈ ചിത്രം തീയേറ്ററിലെത്തിക്കാനായിരുന്നു നീക്കം. എന്നാല്‍ മീരയുടെ അലംഭാവം കൊണ്ടുമാത്രമാണ്‌ അത്‌ നടക്കാതെ പോയതെന്നാണ്‌ അണിയറ വൃത്താന്തം. ഇനി ഈ ക്രിസ്‌തുമസിനെങ്കിലും റിലീസിംഗ്‌ നടക്കുമോ എന്നും അണിയറക്കാര്‍ പരസ്‌പരം ചോദിക്കയാണത്രേ. കേരളരാഷ്‌ട്രീയത്തില്‍ ഏറെ കോളിളക്കം സൃഷ്‌ടിച്ച ഐസ്‌ക്രീം പാര്‍ലര്‍ കേസുമായി ഈ ചിത്രത്തിന്റെ പ്രമേയത്തിന്‌ ഏറെ സാദൃശ്യമുണ്ടെന്ന്‌ കേള്‍ക്കുന്നു. മീര ജാസ്‌മിന്‍ ലിസമ്മയാകുന്ന ഈ ചിത്രത്തില്‍ രാഹുല്‍ മാധവാണ്‌ നായകന്‍. സലിംകുമാര്‍, ജഗദീഷ്‌, ബൈജു, വി.കെ. ശ്രീരാമന്‍, സംഗീത മോഹന്‍ തുടങ്ങിയവരും പ്രധാന അഭിനേതാക്കളാകുന്ന ഈ ചിത്രം നിര്‍മ്മിക്കുന്നത്‌ പി.റ്റി. സലിം ആണ്‌. സംവിധായകനായ ബാബു ജനാര്‍ദ്ദനന്‍ തന്നെയാണ്‌ ഈ ചിത്രത്തിന്റെ തിരക്കഥാകൃത്തും. |
Wednesday, 10 October 2012
Subscribe to:
Post Comments (Atom)
No comments:
Post a Comment