തിരുവനന്തപുരം: ചാരക്കേസിൽ സി.ബി.ഐ ശുപാർശ ചെയ്ത മൂന്ന് പൊലീസ് ഉദ്യോഗസ്ഥർക്കെതിരെ അന്വേഷണം നടത്താൻ മുഖ്യമന്ത്രിയുടെ ഭാഗത്തു നിന്ന് നടപടിയുണ്ടാകണമെന്ന് കെ.മുരളീധരൻ എം.എൽ.എ ആവശ്യപ്പെട്ടു. ഏത് ഏജൻസിയെകൊണ്ട് അന്വേഷിപ്പിക്കണമെന്ന് സർക്കാർ തീരുമാനിക്കട്ടെയെന്നും അദ്ദേഹം പറഞ്ഞു. ഞാൻ നൽകിയ കത്ത് സ്വീകരിക്കുകയോ നിരാകരിക്കുകയോ മുഖ്യമന്ത്രിക്ക് ചെയ്യാം. അത് അദ്ദേഹത്തിന്റെ അധികാരപരിധിയിൽ വരുന്നതാണ്. കത്ത് നിരാകരിക്കുകയാണെങ്കിൽ എനിക്ക് അടുത്ത നടപടിയിലേക്ക് കടക്കേണ്ടി വരും- മുരളി പറഞ്ഞു. കേസിൽ കെ.കരുണാകരന്റെ നിരപരാധിത്വം തെളിയിക്കാൻ ഏതറ്റം വരെയും പോകും. ചാരക്കേസിനെ ചാരം മൂടാൻ അനുവദിക്കില്ല. കേസ് അന്വേഷിക്കാൻ സർക്കാരിനോ പാർട്ടിക്കോ ബുദ്ധിമുട്ട് ഉണ്ടെങ്കിൽ തുറന്ന് പറയണമെന്നും മുരളി പറഞ്ഞു. എ.കെ.ആന്റണിയെ ഈ കേസിലേക്ക് വലിച്ചിഴച്ചിട്ടില്ല. സി.ബി.ഐ അന്വേഷണം വേണ്ട എന്ന് കേന്ദ്ര ആഭ്യന്തര സഹമന്ത്രി മുല്ലപ്പള്ളി രാമചന്ദ്രൻ പറയുന്നത് എന്തടിസ്ഥാനത്തിലാണെന്ന് അറിയില്ലെന്നും അദ്ദേഹം പറഞ്ഞു.
No comments:
Post a Comment